சிம்பிள் தக்காளி சட்னி

simple-tomato-chutney
simple-tomato-chutney

சிம்பிள் தக்காளி சட்னி

வெங்காயம், பூண்டு எதுவும் சேர்க்காமல் வெறும் தக்காளியைக் கொண்டே அருமையான சட்னி செய்யலாம். குறிப்பாக இந்த சட்னி பேச்சுலர்கள் சமைப்பதற்க்கு ஏற்றவாறு மிகவும் சிம்பிளாக இருக்கும். தாய்மார்கள் தங்கள் பிள்ளைகளுக்கு கற்று கொடுத்தால் தொலைவில் தங்கி பணிபுரியும் போது மிகவும் பயனுள்ளதாக இருக்கும்.

தேவையான பொருட்கள்: தக்காளி – 3 இஞ்சி – 1 இன்ச் மிளகு – 1/2 டீஸ்பூன் கிராம்பு – 2 வரமிளகாய் – 3 கடுகு – 1 டீஸ்பூன் வெந்தயம் – 1/4 டீஸ்பூன் உளுத்தம் பருப்பு – 1 டீஸ்பூன் பெருங்காயத் தூள் – 1 சிட்டிகை கறிவேப்பிலை – சிறிது எண்ணெய் – 1 டேபிள் ஸ்பூன் உப்பு – தேவையான அளவு

தக்காளி சட்னி செய்முறை: முதலில் ஒரு வாணலியை அடுப்பில் வைத்து, அதில் 1/2 டேபிள் ஸ்பூன் எண்ணெய் ஊற்றி காய்ந்ததும், உளுத்தம் பருப்பு சேர்த்து பொன்னிறமாக தாளிக்க வேண்டும். பின் அதில் வரமிளகாய், கிராம்பு, மிளகு, பெருங்காயத் தூள் மற்றும் இஞ்சி சேர்த்து பொன்னிறமாக வதக்கி விட வேண்டும். பின்பு அதில் தக்காளி மற்றும் உப்பு சேர்த்து, தக்காளி மென்மையாகும் வரை 5-7 நிமிடம் குறைவான தீயில் வதக்கி இறக்கி, குளிர வைக்க வேண்டும். பிறகு அதனை மிக்ஸியில் போட்டு, நன்கு மென்மையாக அரைத்துக் கொள்ள வேண்டும். இறுதியில் அதே வாணலியை அடுப்பில் வைத்து, அதில் சிறிது எண்ணெய் ஊற்றி காய்ந்ததும் கடுகு, வெந்தயம், வரமிளகாய் மற்றும் கறிவேப்பிலை சேர்த்து தாளித்து, பின் அதில் அரைத்து வைத்துள்ள தக்காளி சட்னியை ஊற்றி, 4-5 நிமிடம் குறைவான தீயில் கிளறி இறக்கினால், தக்காளி சட்னி ரெடி!!!

Be the first to comment

Leave a Reply

Your email address will not be published.


*